AGBU Vatche & Tamar Manoukian High School

Skip to main content
Main Menu Toggle
Senior Night, Thursday, January 30, 6:30 PM

Գրական Ներշնչում Նոճիներու Շուքին Տակ

10րդ դասարանի դասագիրքին մէջ տեղ գտած է պոլսահայ բանաստեղծ Տիրան Չրաքեանի մէկ բանաստեղծութիւնը, որ նուիրուած է նոճիներուն: Բանաստեղծը այդ երկնասլաց ծառերը դիտած է որպէս անմահութեան խորհրդանշան: Իսկ ուսուցիչը եւ իր աշակերտները, ճիշդ հասկնալու եւ կենդանի պատկեր ունենալու համար, թէ ի'նչ էր Պոլսոյ պարտէզներուն մէջ Չրաքեանին ներշնչողը, որոշեցին դուրս գալ դասարանի սահմաններէն եւ գալել այն տան պարտէզը, ուր կան հինգ սեւ նոճիներ:
 
Մայթի վրայ նստած, անոնք նախ նկարեցին այդ խորհրդաւոր ծառերը, ապա աշխատանքային թերթիկի մը հարցումները պատասխանեցին: Իրենց հեռաձայներու օգնութեամբ աշակերտները նաեւ կատարեցին որոնումներ յայտնաբերելու համար նոճիներու նշանակութիւնը յունական, պարսկական եւ հնդկական դիցաբանութեան մէջ:
 
Վստահ ենք, թէ ամէն աշակերտ տարբեր ներշնչում մը գտաւ եւ իւրայատուկ փորձառութիւն մը ապրեցաւ: Ու կը հաւատանք, թէ անոնք աւելի զգայուն պիտի ըլլան իրենց շրջապատին եւ անոր մէջ թաքնուած հարուստ պատմութիւններուն հանդէպ:
 
(Այո, փողոցը անցնող չորս աշակերտուհիներու լուսանկարը Beatles խումբի «Abbey Road» ձայնապնակի նմանողութեամբ մտայղացուած է:)