AGBU Vatche & Tamar Manoukian High School

Skip to main content
Main Menu Toggle
Winter Formal, Friday, January 24, 7:00 PM

Բանակի Օր՝ Դասարանէն Ներս

Յունուար 28ն Հայաստանի մէջ «Բանակի Օր» է: Ինչպէս բանակը ամէն տարի Երեւանի Հրապարակի վրայ ռազմական շքերթով կը տօնէ իր հիմնադրութեան տարեդարձը, նոյնպէս մենք՝ հայրենիքի հետ սրտակից, խանդավառ մթնոլորտի մէջ տօնեցինք հայոց յաղթական բանակի 25ամեակը:
 
Մեր փոքրիկ յայտագիրը սկսաւ աղօթքով: Նահատակ հայ զինուորներուն համար Պարոն Ն. Տատուրեանի առաջնորդութեամբ Եռաբլուրի լուսանկարին տակ երգեցինք «Տէր Ողորմեա»ն եւ Տէրունական աղօթքը: Ապա դիտեցինք Երեւանի մէջ կատարուած շքերթին տեսաերիզը: Զարմանքով մնացինք երբ օդուժը երկինքը Եռագոյն ներկեց: Նաեւ հիացումով դիտեցինք «Հրացաններու պար»ը, երբ զինուորներու ընտրանի մը սպիտակ հրացաններով կը կատարէր յատուկ ցուցադրութիւն:
 
Վերջաւորութեան միաբերան երգեցինք «Հզօր Հայաստան» երգը եւ Հայաստանի քայլերգը:
 
Բոլոր զինուորներուն կը մաղթենք ուժ, կորով եւ խաղաղ ծառայութիւն: