AGBU Vatche & Tamar Manoukian High School

Skip to main content
Main Menu Toggle
Senior Picture Day, Thursday, December 13

Վարդանանց Տօնակատարութիւն Վարժարանէն Ներս

Պօյաճեան սրահէն ներս տեղի ունեցած յայտագիրը իրականութեան մէջ սկսած էր օրեր առաջ՝ դասարաններէն ներս: Հայերէնի ուսուցիչները աշակերտներուն փոխանցեր էին ճակատամարտի ժամանակաշրջանի, հանգամանքներու եւ հոգեւոր պատգամի մասին գիտելիքներ: Անոնք շեշտած էին, թէ 451 թուականի պայքարը շարունակուող է եւ այժմէական, հետեւաբար ամէն աշակերտ նախանձախնդիր պէտք է որ ըլլայ հայկական ինքնութեան անաղարտ պահպանման համար:

 

Յայտագրին մէջ ընդգրկուած էին մեր վարժարանի բեմական արուեստներու խումբերը՝ երգչախումբը եւ պարախումբը: Նախ բեմ ելաւ երգչախումբը եւ ներկայացուց օրուան պատշաճ հայրենասիրական երգեր, ինչպէս՝ «Պլպուլն Աւարայրի», «Իմ Հայրենեաց հոգի Վարդան», «Վարդանի երգ» եւ «Մենք քաջ Վարդանի տոհմէն ենք»: Պարախումբը ներկայացուց «Տաւիղ» եւ «Զարթօնք» պարերը։ Յայտագիրը ունէր նաեւ երաժշտական բաժին. Արամ Խաչատուրեանի «Մասքարատ»ը դաշնակի վրայ նուագեց 9-րդ դասարանի աշակերտ Էտկար Էքշեանը։ Հանդէսի աւարտին բեմի աշակերտները երգեցին «Ղարաբաղ իմ» երգը եւ ազգային օրհներգը։ Հպարտութեան պահ էր նաեւ «Հայ եմ ես» աշակերտական ուխտի միաբերան արտասանութիւնը:

 

Կը շնորհաւորենք յայտագրի պատրաստութեան մէջ բաժին առած բոլոր ուսուցիչներն ու ուսուցչուհիները: