AGBU Vatche & Tamar Manoukian High School

Skip to main content
Main Menu Toggle
Summer Office Hours: Monday-Thursday 9-2, Friday 9-1

Այցելութիւն Առաջնորդարան

Անոնց կ'ուղեկցէին դաստիարակ ուսուցիչները եւ վարժարանի տնօրէնը: Աշակերտները հրաւիրուած էին առաջնորդ հօր՝ Յովնան Արք. Տէրտէրեանի կողմէ:
 
Դասարանի 35 աշակերտները նախ ընդունուեցան Ս. Լեւոն մայր եկեղեցիէն ներս: Անոնք ծանօթացան տաճարի շինարարական պատմութեան եւ ճարտարապետական մասնայատկութիւններուն: Ապա անոնք լսեցին Ս. Յարութեան տօնի մասին հիմնական գիտելիքներ: Յաջորդ կայանը Զորայեան թանգարանն էր: Աշակերտները հոն ծանօթացան հայկական արուեստի ընտիր նմոյշներուն, ինչպէս՝ հնատիպ գիրքեր, ժանեակներ, կարպետներ, եկեղեցական իրեր, տարազներ, զարդեղէններ եւ այլն:
 
Վերջաւորութեան աշակերտները առաջնորդարանի ընդունասրահի մէջ ջերմ ու շահեկան հանդիպում ունեցան Առաջնորդ Հօր հետ: Անոնք ստացան, համալսարանական կեանքի, ազգային պատկանելիութեան, ինչպէս նաեւ ժամանակակից կեանքի հոգեւոր մարտահրաւէրներու մասին խրատներ եւ միտքեր: Առաջնորդ հայրը պատասխանեց նաեւ պատանիները յուզող հարցերու: Աշակերտները որպէս նուէր ստացան նաեւ առաջնորդարանի հրատարակութիւններ: