AGBU Vatche & Tamar Manoukian High School

Skip to main content
Main Menu Toggle
Annual Booster Club Breakfast, Sunday, October 21, 9:30 AM

Նոճիներէն Ներշնչում

Դասարանի 11 աշակերտները հայոց գրականութեան ուսուցիչ Նորայր Տատուրեանի հետ քալեցին վարժարանի փողոցին վրայ գտնուող այն տունը, որուն պարտէզին մէջ հասակ նետած են հինգ սեւ նոճիներ:
 
Աշակերտները այդ բարձրահասակ ծառերու շուքին տակ ուսումնասիրեցին նոճիներուն նուիրուած քերթուած մը, որուն հեղինակն է 19րդ դարու պոլսահայ բանաստեղծ Տիրան Չրաքեանը (Ինտրա, 1875-1921):

Աշակերտները նախ սորվեցան այս ծառերու մասին բուսաբանական գիտելիքներ, ապա  թէ’ ինչպէս այդ մշտադալար եւ «մշտակոթող» ծառերը գրականութեան մէջ անմահութեան խորհրդանշաններ են: Բացօթեայ դասախօսութեան գրական բաժնի մէջ, ընթերցելով այդ բանաստեղծութիւնը, աշակերտները տեսան, թէ բանաստեղծը ինչպէ'ս կը հակադրէ երկրային «նուաստ» եւ երկնային «լուսաւոր» աշխարհները: 

Նոճիներու տարեկան այս այցելութիւնը աւանդութեան վերածուած է եւ աշակերտներուն կու տայ հայկական քերթողութիւնը բնութեան մէջ վայելելու հաճոյքը: